Sorah Al-Infitar ( The Cleaving )

Choose the reader

ދިވެހި

Sorah Al-Infitar ( The Cleaving ) - Verses Number 19

إِذَا السَّمَاءُ انفَطَرَتْ ( 1 )

ސއުޑު ފަޅަފަޅައިގެންދާ ހިނދެވެ.

وَإِذَا الْكَوَاكِبُ انتَثَرَتْ ( 2 )

އަދި ތަރިތައް ވެރި، ބުރައިގެންދާ ހިނދެވެ.

وَإِذَا الْبِحَارُ فُجِّرَتْ ( 3 )

އަދި ކަނޑުތައް ހުޅުވި، އެއްކަނޑު އަނެއްކަނޑާ ގުޅޭހިނދެވެ.

وَإِذَا الْقُبُورُ بُعْثِرَتْ ( 4 )

އަދި ކަށްވަޅުތައް އެފުށްމިފުށަށްޖެހި، ކަށްތައް ނެރެލައްވާހިނދެވެ.

عَلِمَتْ نَفْسٌ مَّا قَدَّمَتْ وَأَخَّرَتْ ( 5 )

(އެހިނދު) ކޮންމެ نفس އަކަށް، އެ نفس އެއް އިސްކުޅަހާ ކަމަކާއި، ފަސްކުޅަހާ ކަމެއް އެނގޭނެތެވެ.

يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ ( 6 )

އޭ އިންސާނާއެވެ! ތިބާގެ ވެރި، ދީލަތިވަންތަ ރަސްކަލާނގެއާމެދު ތިބާ ހެއްލުންތެރިކުޅައީ ކޮންއެއްޗެއް ހެއްޔެވެ؟

الَّذِي خَلَقَكَ فَسَوَّاكَ فَعَدَلَكَ ( 7 )

އެކަލާނގެއީ، ތިބާ ހައްދަވައި، އަދި ތިބާގެ ގުނަންތައް ފުރިހަމަކުރައްވައި، އިސްކޮޅާ ރޫފަ ގުޅޭގޮތަށް ތިބާ ލެއްވި ރަސްކަލާނގެއެވެ.

فِي أَيِّ صُورَةٍ مَّا شَاءَ رَكَّبَكَ ( 8 )

އެކަލާނގެ އިރާދަކުރެއްވި ކޮންމެ ސިފަޔަކަށް، އެކަލާނގެ، ތިބާ، تركيب ކުރެއްވިއެވެ.

كَلَّا بَلْ تُكَذِّبُونَ بِالدِّينِ ( 9 )

ހަމަހިލާ އެހެންނަކުން ނުވާނެއެވެ. އަދި ކިއެއްތަ! (قيامة ދުވަހުން) ޖަޒާ ދެއްވާނޭކަން ތިޔަބައިމީހުން ދޮގުކުރަމުއެވެ.

وَإِنَّ عَلَيْكُمْ لَحَافِظِينَ ( 10 )

އަދި ހަމަކަށަވަރުން، ތިޔަބައިމީހުންގެ މައްޗަށް ރައްކާތެރިވެ ބަލަހައްޓަވާ ملائكة ންވެއެވެ.

كِرَامًا كَاتِبِينَ ( 11 )

(އެއީ) މާތްވެގެންވާ، ލިޔުއްވާ ملائكة ންނެވެ.

يَعْلَمُونَ مَا تَفْعَلُونَ ( 12 )

ތިޔަބައިމީހުން ކުރާ ކަންތައް އެ ملائكة ން ދެނެވަޑައިގެންވެތެވެ.

إِنَّ الْأَبْرَارَ لَفِي نَعِيمٍ ( 13 )

ހަމަކަށަވަރުން، ހެޔޮލަފާ މީހުންވަނީ، نعمة ގެ ސުވަރުގޭގައިކަން ކަށަވަރެވެ.

وَإِنَّ الْفُجَّارَ لَفِي جَحِيمٍ ( 14 )

އަދި ހަމަކަށަވަރުން، كافر ންވަނީ، ނަރަކައިގައިކަން ކަށަވަރެވެ.

يَصْلَوْنَهَا يَوْمَ الدِّينِ ( 15 )

قيامة ދުވަހު އެއުރެން އެ ނަރަކަޔަށް ވަންނާނެތެވެ.

وَمَا هُمْ عَنْهَا بِغَائِبِينَ ( 16 )

އެއުރެން އެ ނަރަކައިން ނުކުންނާނޭ ބަޔަކު ކަމުގައެއް ނުވެއެވެ.

وَمَا أَدْرَاكَ مَا يَوْمُ الدِّينِ ( 17 )

قيامة ދުވަހަކީ، ކޮންދުވަހެއްކަން ކަލޭގެފާނަށް އަންގައިދިނީ ކޮންއެއްޗެއްތޯއެވެ؟

ثُمَّ مَا أَدْرَاكَ مَا يَوْمُ الدِّينِ ( 18 )

ދެންވެސް قيامة ދުވަހަކީ، ކޮންދުވަހެއްކަން ކަލޭގެފާނަށް އަންގައިދިނީ ކޮންއެއްޗެއްތޯއެވެ؟

يَوْمَ لَا تَمْلِكُ نَفْسٌ لِّنَفْسٍ شَيْئًا ۖ وَالْأَمْرُ يَوْمَئِذٍ لِّلَّهِ ( 19 )

(އެއީ) އެއްވެސް نفس އެއް، އަނެއް نفس އަކަށް އެއްވެސްކަމެއް ކޮށްދިނުން މިލްކުވެގެންނުވާ ދުވަހެވެ. އަދި އެދުވަހުން، أمر ވެރިކަން މިލްކުވެގެންވަނީ (ހަމައެކަނި) اللَّه އަށެވެ.